Cofnodion cryno - Y Pwyllgor Deisebau

Lleoliad:

Ystafell Bwyllgora 1 - y Senedd

Dyddiad: Dydd Mawrth, 24 Tachwedd 2015

Amser: 09.18 - 10.56
Gellir gwylio’r cyfarfod ar Senedd TV yn:
http://senedd.tv/cy/3290

Yn bresennol

Categori	Enwau
Aelodau’r Cynulliad:	William Powell AC (Cadeirydd) Russell George AC Bethan Jenkins AC Jeff Cuthbert AC (yn lle Joyce Watson AC)
Tystion:	Huw Lewis AC, Y Gweinidog Addysg a Sgiliau Jo Larner, Llywodraeth Cymru
Staff y Pwyllgor:	Steve George (Clerc) Kath Thomas (Dirprwy Glerc) Gill Eveleigh (Dirprwy Glerc) Matthew Richards (Cynghorydd Cyfreithiol)

<AI1>

Trawsgrifiad

Gweld trawsgrifiad o’r cyfarfod (PDF 183KB) Gweld fel HTML (150KB)

</AI1>

<AI2>

1 Cyflwyniad, ymddiheuriadau a dirprwyon

Croesawodd y Cadeirydd bawb i’r cyfarfod.

Cafwyd ymddiheuriadau gan Joyce Watson. Dirprwyodd Jeff Cuthbert ar ei rhan, yn unol â Rheol Sefydlog 17.48.

</AI2>

<AI3>

2 Deisebau newydd

</AI3>

<AI4>

2.1 P-04-655 Mynnu ein Hawliau i’r Gymraeg yn y Sector Breifat

Trafododd y Pwyllgor yr ohebiaeth ynghylch y ddeiseb a chytunwyd i ysgrifennu at:

· Gomisiynydd y Gymraeg i ofyn am yr amserlen ar gyfer adolygu safonau ar gyfer cyrff preifat a chyrff yn y sector gwirfoddol na chawsant eu cynnwys yn y garfan gyntaf; a

· gofyn i Brif Weinidog Cymru;

o i gadarnhau mai bwriad y Llywodraeth yw gweithredu ar yr amserlen honno; ac i

o ddarparu gwybodaeth bellach ar fwriadau’r Llywodraeth o ran diwygio Mesur y Gymraeg (Cymru) 2011;

o gofyn am wybodaeth bellach am y rhesymau pam y mae Llywodraeth Cymru wedi gofyn i fusnesau penodol gael eu tynnu’n ôl fel rhan o’r drydedd garfan o safonau; a

o gofyn am eglurhad ar rôl Comisiynydd y Gymraeg wrth benderfynu pa fusnesau y dylid eu tynnu’n ôl.

</AI4>

<AI5>

2.2 P-04-657 Codi Tâl am Barcio a’r Berthynas â Strydoedd Mawr a’u Llwyddiant

Datganodd William Powell y buddiant a ganlyn o dan Reol Sefydlog 17.24A:

Mae wedi rhoi cyngor gweithdrefnol i’r deisebydd.

Trafododd y Pwyllgor yr ohebiaeth gan Weinidog yr Economi, Gwyddoniaeth a Thrafnidiaeth a chytunwyd i:

· Ofyn am sylwadau pellach gan y deisebydd ar lythyr y Gweinidog; ac

· Ysgrifennu at y Gweinidog i ofyn pa gamau y mae wedi’u cymryd, yn enwedig o ran cysylltu ag awdurdodau lleol, yn dilyn cyhoeddi’r ymchwil i archwilio’r berthynas rhwng taliadau meysydd parcio a nifer yr ymwelwyr â chanol trefi yng Nghymru.

</AI5>

<AI6>

3 Y wybodaeth ddiweddaraf am ddeisebau blaenorol

</AI6>

<AI7>

3.1 P-04-633 Codi Ymwybyddiaeth o’r Band Eang Gwael yn Ein Hardal

Trafododd y Pwyllgor yr ohebiaeth gan y deisebydd a phartïon eraill yr effeithiwyd arnynt a chytunwyd i gau’r ddeiseb. Wrth wneud hynny roeddent yn dymuno diolch i’r deisebydd am ymgysylltu â’r Pwyllgor ac i anfon ymlaen, er gwybodaeth, gopi o ohebiaeth gysylltiedig a anfonwyd at yr Aelodau yn ddiweddar.

</AI7>

<AI8>

3.2 P-04-468 Pryderon am Ddiogelwch Ffordd A48 Cas-gwent

Trafododd y Pwyllgor ohebiaeth ar y ddeiseb a chytunwyd i ysgrifennu at y Gweinidog,  yn cefnogi’r llythyr gan Gyngor Tref Cas-gwent a gofyn am y wybodaeth ddiweddaraf ar y sefyllfa ar frys.

</AI8>

<AI9>

3.3 P-04-539 Achub Cyfnewidfa Lo Caerdydd

Trafododd y Pwyllgor yr ohebiaeth ynghylch y ddeiseb gan Achub y Gyfnewidfa Lo a’r deisebydd a chytunwyd i:

· ysgrifennu at Weinidog yr Economi, Trafnidiaeth a Gwyddoniaeth gyda’r sylwadau ychwanegol a gofyn iddi am y wybodaeth ddiweddaraf o ran ei dealltwriaeth bresennol o’r sefyllfa ac a yw’n credu bod Cyngor Sir Caerdydd yn defnyddio’i bwerau mewn ffordd briodol; ac wrth wneud hynny

· anfon copi o’r llythyr at Ken Skates AC, y Dirprwy Weinidog dros Ddiwylliant, Chwaraeon a Thwristiaeth a Stephen Doughty AS, gyda chais eu bod yn rhoi’r wybodaeth ddiweddaraf i’r Pwyllgor ar eu gwybodaeth am y sefyllfa ddiweddaraf. 

</AI9>

<AI10>

3.4 P-04-565 Adfywio Hen Reilffyrdd Segur at ddibenion Hamdden

Datganodd Bethan Jenkins y buddiant perthnasol a ganlyn o dan Reol Sefydlog 17.24A:

Mae hi’n rhan o ymgyrch i ailagor Twnnel y Rhondda.

Trafododd y Pwyllgor yr ohebiaeth ynghylch y ddeiseb gan y deisebydd a chytunwyd i:

· Ysgrifennu at y Gweinidog i ofyn pryd y mae’n disgwyl adolygiad Sustrans i mewn i Dwnnel y Rhondda gael ei gwblhau; a

· Rhoi gwybod i’r deisebydd bod yr Adran Briffyrdd yn berchen ar dwneli rheilffordd eu hunain yng Nghymru ac efallai y byddai am gysylltu â nhw yn uniongyrchol.

</AI10>

<AI11>

3.5 P-04-540 Stopio rhagfarn ar sail rhyw mewn cam-drin domestig

Trafododd y Pwyllgor yr ohebiaeth gan y deisebydd a chytunwyd i gau’r ddeiseb. Roedd yr aelodau’n dymuno diolch i’r deisebydd am ymgysylltu â’r Pwyllgor.

</AI11>

<AI12>

3.6 P-04-519 Diddymu Taliadau Comisiwn wrth werthu Cartrefi mewn Parciau

Trafododd yr Aelodau ohebiaeth gan y deisebydd ac, o ystyried na fydd y cynnig ymchwil sy’n cael ei ddatblygu i edrych ar economeg y diwydiant cartrefi mewn parciau yn cael ei gwblhau tan ar ôl etholiadau’r Cynulliad, cytunwyd i gadw’r ddeiseb ar agor er mwyn caniatáu i Bwyllgor y 5^ed Cynulliad ei ystyried pe byddai’n dewis gwneud hynny.

</AI12>

<AI13>

3.7 P-04-537 Plannu Coed i Leihau Llifogydd

Trafododd y Pwyllgor yr ohebiaeth ynghylch y ddeiseb a chytunwyd i ysgrifennu at y Gweinidog, ar gais y deisebwyr, yn gofyn am ateb i’r cwestiynau a godwyd yn eu llythyr.

</AI13>

<AI14>

3.8 P-04-581 Gwrthwynebu’r toriadau yn y ddarpariaeth ar gyfer dysgwyr Saesneg fel Iaith Ychwanegol

Trafododd y Pwyllgor yr ohebiaeth ynghylch y ddeiseb a chytunwyd i gau’r ddeiseb. Wrth wneud hynny, roedd yr aelodau’n dymuno diolch i’r deisebydd am ymgysylltu â’r Pwyllgor.

</AI14>

<AI15>

3.9 P-04-516 Gwneud Gwyddor Gwleidyddiaeth yn rhan orfodol o Addysg

Trafododd y Pwyllgor ohebiaeth ynghylch y ddeiseb a chytunwyd i ysgrifennu at y Gweinidog i ofyn a oes yna faes o waith yr Athro Donaldson sy’n ymwneud â Gwyddor Gwleidyddiaeth y gallai’r deisebydd naill ai fod yn ymwneud ag ef, neu’n gallu cael yr wybodaeth ddiweddaraf yn ei gylch. Cytunodd yr Aelodau hefyd i symud i gau’r ddeiseb unwaith y byddai ymateb wedi ei dderbyn gan y Gweinidog.

</AI15>

<AI16>

4 Cynnig o dan Reol Sefydlog 17.42 i benderfynu gwahardd y cyhoedd o’r cyfarfod ar gyfer y busnes canlynol:

Derbyniwyd y cynnig.

</AI16>

<AI17>

5 Trafod y Sesiynau Tystiolaeth Lafar

Trafododd yr Aelodau y sesiwn dystiolaeth a chytunwyd i ysgrifennu at y Gweinidog i fynegi pryderon am y sefyllfa yng ngoleuni’r cyngor a dderbyniwyd.

</AI17>

<AI18>

5.1 P-04-576 Caniatáu i Blant yng Nghymru Gael Gwyliau Teuluol yn Ystod Tymor yr Ysgol

</AI18>

<AI19>

5.2 P-04-606 Sicrhau bod ysgolion yn defnyddio eu pwerau statudol o dan reoliad 7 o Reoliadau Addysg (Cofrestru Disgyblion) (Cymru) 2010 heb unrhyw ymyrraeth neu ragfarn

</AI19>

<AI20>

6 Adolygiad o System Ddeisebau Cynulliad Cenedlaethol Cymru.

Trafododd yr Aelodau dystiolaeth a gafwyd o arolygon ac ymgynghoriadau a gynhaliwyd, a chytunwyd i ddychwelyd at y mater yn dilyn sesiwn dystiolaeth lafar a gynhelir ar 8 Rhagfyr.

</AI20>

<AI21>

7 Sesiwn Dystiolaeth - P-04-522 Asbestos mewn Ysgolion

Atebodd y Gweinidog gwestiynau gan y Pwyllgor.

Cytunodd y Gweinidog i ysgrifennu at y Pwyllgor i:

· Gadarnhau a yw rheoli asbestos yn cael ei gynnwys mewn rhaglenni hyfforddi llywodraethwyr; a

· Darparu gwybodaeth bellach ar aelodaeth y gweithgor asbestos a’i gylch gorchwyl.

</AI21>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2FIELD_TITLE

</TITLE_ONLY_SUBNUMBER_LAYOUT_SECTION>